Monday, December 15, 2008

ചില ആനച്ചിത്രങ്ങള്‍.

ചില ആനച്ചിത്രങ്ങള്‍.

കുറച്ച് ആനച്ചിത്രങ്ങള്‍ നിങ്ങള്‍ക്കായി പങ്കുവെക്കുന്നു.

നടയാനേ വേഗം.


അല്‍പ്പം വിശ്രമമാവാം.


ഇതു താന്‍‌ട്രാ ‘രജനി’സ്റ്റൈല്‍


ലഞ്ച് ടൈം. പട്ട ഇനിയും പോരട്ടെ.

പട്ടയടി സമയം, ആനക്കും പാപ്പാനും.

ഒരു വടിയും ചാരിവെച്ചിട്ട് പാപ്പാന്‍ എവിടെപോയി കിടക്കണാവോ.


ഇങ്ങ് അടുത്തുവാ..
(ഇവന്മാരുടെ അടുത്ത് കൂട്ട് കൂടാനായി മൂന്ന് കിലോ പഴമാണ് കൊടുത്തത്. അത് കഴിഞ്ഞപ്പോള്‍ഇനിയും വേണംന്ന്.)



നോ കമന്റ്സ്!!




കുറച്ചുകൂടി പട്ട കിട്ടിയിരുന്നെങ്കില്‍.... ഇതുപോലെ..


എനിച്ച് പേടിയൊന്നൂല്ലാ, ആനേടെടുത്ത് നിക്കാന്‍.

Thursday, November 13, 2008

ഉദയാസ്തമനദൃശ്യങ്ങള്‍.

ഉദയാസ്തമനദൃശ്യങ്ങള്‍.





പ്രഭാതം, സുപ്രഭാതം.




പ്രഭാതം പൊട്ടിവിടര്‍ന്നൂ കുന്നിന്‍ ചെരിവില്‍...



പുലര്‍കാല മഞ്ഞിനെ ചുംബിച്ചുണര്‍ത്തുന്നു സൂര്യകിരണങ്ങള്‍.


സന്ധ്യയോടടുക്കുമ്പോള്‍ ആകാശവും പറന്നടുക്കുന്ന ഹെലികോപ്റ്ററും.



പകല്‍ മുഴുവന്‍ ഓടിത്തളര്‍ന്ന സൂര്യേട്ടനും തല ചായ്ക്കാന്‍ നേരമായ്..



വിടവാങ്ങലിനു സാക്ഷി.



അസ്തമനം കണ്ടാസ്വദിക്കുന്ന ഒരാളെ കാണുന്നില്ലേ ഈ ചിത്രത്തില്‍.
സൂക്ഷിച്ചുനോക്കൂ, ഇടതുവശത്ത് ഒരു കെട്ടിടത്തിന്റെ മുകളില്‍ ഒരാള്‍ നില്‍പ്പുണ്ട്.




അങ്ങാകാശച്ചെരുവില്‍ മുങ്ങാംകുഴിയിടാം, വീണ്ടും പൊങ്ങിവരാം അടുത്ത കടവില്‍..




വേറൊരു സന്ധ്യ.



കുങ്കുമപൊട്ടണിഞ്ഞ സന്ധ്യാംബരം.



സന്ധ്യതന്‍ കവിള്‍ നാണം കൊണ്ടു ചുവന്നതോ അതോ മാരന്‍ മുത്തിച്ചുവപ്പിച്ചതോ.



യാത്രാമൊഴിക്കു മുമ്പ്.

നാളെയും കാത്ത്,
ഒരു പുതിയ പ്രതീക്ഷയുടെ പ്രഭാതകിരണവുമായി.

Thursday, October 23, 2008

ശുനകപുരാണം

ശുനകപുരാണം


1. മി. ജാക്കി'ച്ചാന്‍.

ഇവന്‍ ജാക്കി. വളരെ അനുസരണശീലമുള്ള നാടന്‍ ഇനം നായ. ഇവന്റെ അധികാരപരിധിയില്‍വരുന്ന ഭൂപ്രദേശത്ത്‌ വേറെ ഒരു നായയേയും അടുപ്പിക്കില്ല. പരിചയമില്ലാത്തരെ കണ്ടാല്‍ കുരച്ച്‌തുരത്താന്‍ നോക്കും. പിന്നെ വീട്ടിലുള്ളവര്‍ പറയണം അടങ്ങിയിരിക്കാന്‍.



പോര്‍ട്രെയിറ്റ്‌.


ആരാ അവിടെ? ജാഗ്രതയോടെ.

ഒരു ഗ്ലാസ്സില്‍ പച്ചവെള്ളം കുടിക്കുന്നതു കണ്ടാലും ഓടിയെത്തും, ചായയാണെങ്കിലോ എന്നു കരുതി. ചായയാണെങ്കില്‍ ബാക്കിയുള്ളത്‌ തറയില്‍ ഒഴിച്ചുകൊടുത്താല്‍ നക്കി കുടിച്ചോളും. എന്തു ചെയ്യാനാ, ചായ ഒരു വീക്‌ക്‍നെസ്സായിപോയി. ഇടക്കിടക്ക്‌ ചായയുടെ ബാക്കി ഒഴിച്ചു കൊടുത്ത്‌ശീലമാക്കിയതല്ലേ.




ഇതാണ്‌ '
ശ്വാനാസനം'.
വ്യായാമത്തിന്റെ കാര്യത്തില്‍ ഇവന്‍ ഒട്ടും പുറകിലല്ല.
കണ്ടില്ലേ, മി.ഡോഗ്‌ ആകാനുള്ള തയ്യാറെടുപ്പുകള്‍.

ഒന്നു വിശ്രമിച്ചുകളയാം.

പകല്‍ ഇടക്കിടക്ക്‌ ഓരോ പ്രദക്ഷിണം കഴിഞ്ഞുവന്നാല്‍ പിന്നെ ഉറക്കം തന്നെ ജോലി. ആഹാരത്തിന്റെ സമയമാകുമ്പോള്‍ അതിന്റെ മണം പിടിച്ച്‌ ഇങ്ങെത്തിക്കോളും. പിന്നെഇരിപ്പുറക്കുകയില്ല. വാലാട്ട്‌ തന്നെ വാലാട്ട്‌. എന്നിട്ടും മൈന്റ്‌ ചെയ്യുന്നില്ലെങ്കില്‍ ചില ശബ്ദങ്ങളൊക്കെഉണ്ടാക്കി ശ്രദ്ധ ആകര്‍ഷിക്കും.

ഒരു കാര്യം പറയാന്‍ വിട്ടുപോയി. ഇവന്‍ ഇപ്പോള്‍ ലോകത്ത്‌ ഇല്ല. ഇഹലോകവാസം വെടിഞ്ഞിട്ട്‌ ഒരു കൊല്ലത്തിലേറെയായി.


***


2. മിസ്സ്‌ ഏഞ്ചല്‍.

ഏഞ്ചലിനാ ഷോലിയെപ്പോലെ സുന്ദരിയായ ഇവള്‍ ഡാല്‍മേഷ്യന്‍ ഇനത്തില്‍ പെട്ടതാണ്‌. നല്ലശൗര്യത്തോടെയും ശബ്ദത്തോടേയും കുരക്കുന്ന ഇവള്‍ മിക്കവാറും ഇവളുടേതായ 'വീട്ടി'നുള്ളിലാണ്‌കഴിയുന്നത്.

ഏഞ്ചല്‍ കൂട്ടിനകത്ത്‌.

വളരെ നല്ല ഘ്രാണശക്തിയുള്ള ഇവള്‍, വീടുടമസ്ഥരുടെ കാറോ ഇരുചക്രവാഹനമോ ഒരു കി.മി. അടുത്തെത്തിയാല്‍ ഘ്രാണശക്തികൊണ്ട്‌ തിരിച്ചറിയുകയും കൂട്ടിനുള്ളില്‍ വട്ടത്തില്‍ കറങ്ങാന്‍തുടങ്ങുകയും ശബ്ദം പുറപ്പെടുവിക്കയും ചെയ്യുന്നു. വീട്ടുകാര്‍ക്ക്‌ ഇത്‌ ഒരു സിഗ്നലാണ്‌ നല്‍കുന്നത്‌. വാഹനം അടുത്തെന്നുന്നതോടൊപ്പം പ്രത്യേക ശബ്ദത്തില്‍ കുരക്കുന്നു. ആദ്യമൊക്കെ ഇവളുടെ ഈവിക്രിയ മനസ്സിലാക്കാന്‍ സാധിച്ചിരുന്നില്ല. പിന്നെ വീട്ടുകാര്‍ പറഞ്ഞപ്പോഴാണ്‌ വിശ്വാസം വന്നത്‌.






അപരിചിതര്‍ വീട്ടിനടുത്തെത്തിയാല്‍ ഉച്ചത്തില്‍ കുരച്ച്‌ വീട്ടുകാര്‍ക്ക്‌ മുന്നറിയിപ്പ്‌ കൊടുക്കുന്നു. അതേസമയം പരിചയമുള്ളവരും, പതിവുകാരും, പത്രക്കാര്‍, പാല്‍ക്കാര്‍ എന്നിവര്‍ വന്നാല്‍ ഒന്നോരണ്ടോ കുരച്ച്‌ മിണ്ടാതിരിക്കും. അല്ലാത്ത സമയത്ത്‌ കൂട്ടിനകത്ത്‌ ഉറക്കമായിരിക്കും. ഉറക്കമാണെങ്കിലും ചെറിയ ശബ്ദമോ പരിചയമുള്ള മണമോ കിട്ടിയാല്‍ ആളുണരും.


ഒന്നുകില്‍ കൂട്ടില്‍ അല്ലെങ്കില്‍ ആശാന്റെ ലുങ്കിയില്‍. ഒരു സ്നേഹപ്രകടനം.


എന്തായിവിടെ ഒരനക്കം - ഒരു ഇന്‍സ്പെക്ഷന്‍.

ഇവള്‍ക്ക്‌ ഒരു ജോഡി ഉണ്ടായിരുന്നു. ഇതേ വര്‍ഗ്ഗത്തില്‍ പെട്ട ഇനം - ലക്കി. ഇടക്ക്‌ ഒരു വാതിലുള്ള അടുത്തടുത്ത കൂട്ടില്‍. അവര്‍ രണ്ടുപേരുമുള്ളപ്പോള്‍ വളരെ രസകരമായിരുന്നുവെന്ന് വീട്ടുകാര്‍പറയുന്നു. രണ്ടുപേരും കൂടി കുര തുടങ്ങിയാല്‍ പേടിച്ചിട്ട്‌ ആ പ്രദേശത്തെങ്ങും വേറെ പട്ടികളൊന്നുംവരില്ല.



ഇനി കൂട്ടിലേക്ക്.

ഇപ്പോള്‍ ഇവള്‍ ഏകയാണ്‌. ഇവളുടെ ജോഡി 'ലക്കി' അസുഖം കാരണം കുറച്ച് മാസങ്ങള്‍ക്ക് മുമ്പ് ഇവളെ വിട്ട്‌പിരിഞ്ഞുപോയി. വിരഹം കാരണം ഇന്നിവള്‍ ഏറെക്കുറെ ശാന്തയാണ്‌. ഇടക്ക്‌ നടക്കാനുംവ്യായാമത്തിനും മറ്റും കൂട്ടിന്‌ വെളിയിലാക്കുന്ന ഇവള്‍ വളരെ അനുസരണശീലമുള്ളവളാണ്‌.

(കുറച്ച്‌ പരിചയമായപ്പോള്‍ ഇവള്‍ ചില ചിത്രങ്ങള്‍ എടുക്കാന്‍ സമ്മതിച്ചെങ്കിലും അങ്ങോട്ടുമിങ്ങോട്ടും നടക്കുന്നതുകാരണം ചിത്രങ്ങള്‍ വിചാരിച്ചപോലെ കിട്ടിയില്ല.)

Thursday, August 28, 2008

പച്ചമാങ്ങാ പച്ചമാങ്ങാ.

പച്ചമാങ്ങാ പച്ചമാങ്ങാ.

പച്ചമാങ്ങാ പച്ചമാങ്ങാ, നാട്ടുമാവിലെ മാങ്ങാ...

കുറച്ച നാടന്‍ പച്ച മാങ്ങാ ചിത്രങ്ങള്‍.


പണ്ടൊക്കെ റോഡിന്റെ ഇരുവശവും മാവ്, പുളി, നെല്ലിക്ക തുടങ്ങിയ ഫലവൃക്ഷങ്ങള്‍ ഉണ്ടായിരുന്നു. അന്നൊന്നും മാങ്ങയോ പുളിയോ നെല്ലിക്കയോ കിട്ടാന്‍ ഒരു വിഷമവുമില്ല. കല്ലെടുത്ത് ഉന്നം വെച്ച്ഒരേറ്. പെണ്‍കുട്ടികളുടെ സ്കൂള്‍ബാഗില്‍ മാങ്ങയോ, പുളിയോ നെല്ലിക്കയോ തീര്‍ച്ചയായും കാണും. കടലാസില്‍ പൊതിഞ്ഞ് കുറച്ച് ഉപ്പും. ഇന്നത്തെക്കാലത്ത് കുട്ടികള്‍ക്ക് പച്ചമാങ്ങ എന്നാല്‍ കടകളില്‍ നിന്നും കിട്ടുന്ന മാങ്ങാമിഠായി ആണ്.

കാലം മാറി, റോഡരികിലുള്ള സര്‍ക്കാര്‍ മരങ്ങളെല്ലാം വെട്ടി മാറ്റി. പിന്നീട് ചിലയിടങ്ങളില്‍അക്കേഷ്യ പിടിപ്പിച്ചു. അതും കാണാനില്ല.

എന്നിട്ടും മധുരം കിനിയുന്ന അല്‍ഫോന്‍സോ മാങ്ങാഇന്ത്യന്‍ മാര്‍ക്കറ്റില്‍ സീസണില്‍ ആദ്യം എത്തുന്നത് പാലക്കാട് നിന്നുമാണ്.

ഉറുമ്പുണ്ട്. സൂക്ഷിക്കണേ. ആര്‍ത്തി മൂത്ത് പറിച്ചെടുത്താല്‍ ചിലപ്പോള്‍ ഉറുമ്പുകടി ഫ്രീ.

ലോകത്തിലെ ഏറ്റവും കൂടുതല്‍ മാങ്ങാ ഉല്‍പ്പാദിപ്പിക്കുന്നത് ഇന്ത്യയിലാണ്. മൊത്തംഉല്‍പ്പാദനത്തിനും ഏകദേശം അമ്പത് ശതമാനം. ലോകത്തില്‍ ഏകദേശം ആയിരത്തില്‍ പരം വിവിധ തരം മാങ്ങകള്‍ ഉണ്ട്.



കൈയ്യെത്തും ഉയരത്തില്‍ ഇവര്‍ ഇങ്ങനെ നിക്കണ കാണുമ്പോള്‍ പറിച്ച് തിന്നാന്‍ തോന്നും. ഇച്ചിരിഉപ്പ് കൂടി കിട്ടിയാല്‍ സംഗതി കുശാല്‍.

മാങ്ങാ എന്നു കേള്‍ക്കുമ്പോഴേ മാങ്ങാ ഉപ്പിലിട്ടത്, കണ്ണിമാങ്ങാഅച്ചാര്‍, പച്ചമാങ്ങാ ചട്ണി, മാമ്പഴക്കാളന്‍ ഇതൊക്കെയാണ് നാവില്‍ വെള്ളത്തിന്റെ രൂപത്തില്‍കിനിഞ്ഞുവരുന്നത്. എന്തെല്ലാം തരത്തിലുള്ള മാങ്ങകള്‍. നീലം, മൂവാണ്ടന്‍, മല്‍ഗോവ, കിളിച്ചുണ്ടന്‍തുടങ്ങി അനേകം നാടന്‍ മാങ്ങകള്‍.
ഫ്രെഷ് മാമ്പഴം എന്നാല്‍ ഇന്നത്തെക്കാലത്ത് “മാങ്കോ ഫ്രൂട്ടി, ഫ്രെഷ് ആന്റ് ജ്യൂസി” എന്നാണല്ലോ നാവിന്‍ തുമ്പില്‍ വരുന്നത്.



മാര്‍ച്ച് മാസത്തില്‍ നാട്ടില്‍ നിന്നും എടുത്ത മാങ്ങാ ചിത്രങ്ങള്‍.

ഇന്ത്യയില്‍ മാങ്ങാ സീസണ്‍തുടങ്ങുന്നത് പാലക്കാട് ജില്ലയിലെ മുതലമടയില്‍ നിന്നും ചുറ്റുപാടുമുള്ള സ്ഥലങ്ങളില്‍ നിന്നുമാണത്രേ. മാര്‍ച്ച് മാസത്തില്‍ തന്നെ വിവിധ തരത്തിലുള്ള വായില്‍ സ്വാദ് കിനിയുന്ന മാങ്ങകള്‍ പാകമായിഇന്ത്യയിലെ വിവിധ ഭാഗങ്ങളിലേക്ക് കയറ്റി അയക്കുന്നു. അതിനാല്‍ തന്നെ നല്ല വിലയും കിട്ടും. മുതലമട ഭാഗത്തുനിന്നുമുള്ള അല്‍ഫോന്‍സോ മാങ്ങക്ക് ഉത്തരേന്ത്യയില്‍ നല്ല മാര്‍ക്കറ്റാണ്.
അല്‍ഫോന്‍സൊയെ കൂടാതെ അമ്രപലി, ബംഗനപലി, ലംഗ്രാ, ബംഗ്ലൊര, മല്ലിക തുടങ്ങി അനേകതരം മാമ്പഴങ്ങളാണ് ഇവിടെ നിന്നും കയറ്റി അയക്കുന്നത്. ഇപ്രാവശ്യം അസമയത്ത് പെയ്ത മഴകാരണം അല്‍ഫോന്‍സോയുടെ ഉല്പാദനം കുറഞ്ഞത് ഇവിടെ നിന്നുമുള്ള മാങ്ങക്ക് സീസന്‍തുടക്കത്തില്‍ റിക്കാര്‍ഡ് വിലയാണ് ഉണ്ടായിരുന്നത്.
കോട്ടമൈതാനിയില്‍ ഈ പ്രാവശ്യം ഏപ്രിലില്‍ മാമ്പഴ പ്രദര്‍ശനത്തില്‍ കൂടുതലും മുതലമടപ്രദേശത്തുനിന്നുമുള്ള, ചെറുനാരങ്ങ മുതല്‍ തേങ്ങയുടെ വലിപ്പമുള്ള പലതരം മാമ്പഴങ്ങളായിരുന്നു. മിക്കതിന്റെയും പേര്‍ ഓര്‍ക്കുന്നില്ല. കഴിച്ച മാമ്പഴങ്ങളുടെ മധുരം കിനിയുന്ന സ്വാദ് മാത്രം നാവില്‍തങ്ങി നില്‍ക്കുന്നു. ഒരു മാമ്പഴക്കാലം കൂടി കടന്നുപോയി.

Tuesday, August 26, 2008

ഗോത്രനൃത്തങ്ങള്‍.

ഗോത്രനൃത്തങ്ങള്‍.
കുറച്ച് ചിത്രങ്ങള്‍.

അഗ്രിഗേറ്ററില്‍ കാണാത്തതുകൊണ്ട് ഇവിടെ ക്ലിക്കുക.



http://arunakiranam.blogspot.com/2008/08/blog-post_26.html

Saturday, August 16, 2008

കുളിസീന്‍.

കുളിസീന്‍.


ആഹാ, വന്നല്ലോ വനമാല.

കുളിസീന്‍ എന്നു കേട്ടതും ഓടിയെത്തിയതാല്ലേ. എന്തായാലും വന്നതല്ലേ, എന്നാല്‍ പിന്നെ ഒരു കുളിസീന്‍ കണ്ടിട്ടുതന്നെ പോകാം. ന്താ സന്തോഷായില്ലേ.
ഇതൊരു മെഗാകുളിസീനാ, എന്നുവെച്ച്‌ ഷക്കീലയുടേതൊന്നുമല്ലാട്ടോ.


ഇതാണ്‌ 'ജംബോ' കുളിക്കുള്ള പുറപ്പാട്.
തൊട്ടടുത്ത്‌ നദിയൊന്നും ഇല്ലാത്തതുകൊണ്ടും, കുളത്തിലറങ്ങിയാല്‍ പിന്നെ രണ്ട്‌ ദിവസം വേറെയാര്‍ക്കും കുളത്തില്‍ കുളിക്കാന്‍ പറ്റാത്തതുകൊണ്ടും കുളി സ്റ്റൈല്‍ ഒന്നു മാറ്റിക്കളയാം.
ഇവിടെ നിന്നോണ്ട്‌ കുളിക്കുന്നത്‌ അത്ര പന്തിയല്ല.
എന്നാപ്പിന്നെ, '
ചരിയാനേ'

ഒന്നു താങ്ങികൊടുത്തുനോക്കാം. ഇവനെയൊക്കെ നമ്മള്‍ ചൂണ്ടാണിയില്‍ നിര്‍ത്തീട്ടുള്ളതല്ലേ.


ആദ്യം വെള്ളമൊഴിച്ചുകളയാം, ഒന്നു കുതിരട്ടെ.

ആന: ‘ എല്ലായിടത്തും വെള്ളം നിറയെ ഒഴിക്കണംട്ടോ. ഒന്നു തണുക്കട്ടെ’.


ഏറെ വെള്ളമൊഴിക്കിഷ്ടാ.
ന്റെ മേത്ത്‌ വെള്ളം തെറിപ്പിക്കാതെ ആനേടെ മേത്ത്‌ ഒഴിക്കഡാ.


ദേ ഇവ്ടെ ഒരു മറുക്’‘

മറുകല്ലടാ.. അത് ഞാന്‍ ഇരുന്നതിന്റെ തഴമ്പാ
ഒന്നു
ഉഷാറായി തേക്കിഷ്ടാ

ആശാനെ ഒരാനെയെ കുളിപ്പിക്കാന്‍ എത്ര ബക്കറ്റ്‌ വെള്ളം വേണ്ടിവരും.

തേച്ചിട്ടും തേച്ചിട്ടും നിറം വരാത്തതെന്തേ കരിവീരാ.


ഇതെന്താ എത്ര തേച്ചിട്ടും വെളുക്കണില്ലല്ലോ.

പത്ത്‌ മുപ്പത്‌ രാധാസ്‌ സോപ്പ്‌ കിട്ടിയിരുന്നെങ്കില്‍ ഇവനെ ഒന്നു സുന്ദരനാക്കാമായിരുന്നൂ.

ആനയെ കുളിപ്പിക്കാന്നു വെച്ചാല്‍ വല്യ ഒരു പണി തന്നേയ്‌.

ആനക്കാരനുമല്ലുടമയുമല്ലാ
പാവമാമൊരാനപ്രേമി
അരികെനില്‍പ്പാനുരുള്‍ഭയം
കൊണ്ടകന്നുനില്‍പ്പൂ ദേഹി.


(നാട്ടിലെ ഉത്സവദിവസം രാവിലെ, ദേവിയുടെ തിടമ്പ്‌ ഏറ്റാനുള്ള ഗജരാജനെ കുളിപ്പിക്കാന്‍ അടുത്തൊരു വീട്ടില്‍ കൊണ്ടുവന്നപ്പോള്‍ എടുത്ത ചിത്രങ്ങള്‍. ഉത്സവമെല്ലാം കഴിഞ്ഞ്‌ അടുത്ത ദിവസം, വേറൊരു ഉത്സവസ്ഥലത്തേക്ക്‌ കൊണ്ടുപോകാനായി ലോറിയില്‍ കയറ്റുമ്പോള്‍ ഇവന്‍ ചെറുതായൊന്ന് ഇടയുകയും ലോറിയെ കുലുക്കുകയും വേറെ ആനയെ ചെറുതായൊന്നു മുട്ടി വിരട്ടുകയും ചെയ്തു. സമയത്ത്‌ ഇവന്റെ ചിന്നം വിളി വീട്ടിലിരുന്ന് ഞാന്‍ കേട്ടുവെങ്കിലും അതത്ര കാര്യമാക്കിയില്ല. പിന്നീടാണ്‌ അറിഞ്ഞത്‌ ഇവനുണ്ടാക്കിയ പൊല്ലാപ്പുകള്‍. എന്നാല്‍ നിമിഷങ്ങള്‍ക്കകം പാപ്പാന്‍ ആനയെ ശാന്തനാക്കി ലോറിയില്‍ കയറ്റി കൊണ്ടുപോവുകയും ചെയ്തു)

About Me

My photo
Palakkad | Itanagar, India
A simple, young at heart, straight-forward person. Interests in Photography, Internet, Listening to Music & Reading.

Labels

Krish Photography

Followers

Font problem?

This blog is in Malayalam language. If you are unable to read it properly, please download and install AnjaliOldLipi font. Click here.

For more blog-help click here:

പോക്കുവരവ്:

Jaalakam

ജാലകം

Chintha

chintha.com

Bloggers Meet 2011

Visitors :: ചിത്രങ്ങള്‍ കാണാന്‍ വന്ന മാളോര്:

  © Blogger template 'Photoblog' by Ourblogtemplates.com 2008

Back to TOP